Балабақша психологының ұсыныстары

Су-джок жаттығулары

Жеке және топпен балалардың өз бетімен саусақтарына массаж жасауға әр түрлі жаттығулар үшін өте ыңғайлы су-джок шарлары болып келеді. Сырты бұдыр кішкене шар немесе жаңғақты алақанға салып айналдыру арқылы баланың ұсақ моторикасын дамытамыз. Яғни, бұл саусақтарға массаждың бір түрі. Сол секілді карандаш, пластилин, мозайкамен жұмыс та, құмды,қиыршық тасты уыстау, тиындарды іріктеу, көз алдына елестету арқылы ауаға белгілі бір бейненің суретін салу- саусақ қимылын жетілдірудің,  ми жұмысын жақсартудың бірден бір жолы. Сөйлеуді түзету барысында су-джок терапиясын қолдана отырып, балалардың бұлшықетін күшейту және қолдың қозғалысын жақсарту бойынша жұмыс жасау.

Су-джок терапиясын қолданудың мақсаты - қолдар мен аяқтарда орналасқан барлық органдар мен жүйелер үшін жоғары белсенді бақылау ұстанымдарын ынталандыру. Адамның басына жауап беретін бас бармақтың әсері өте маңызды. 

Су –Джок шардың пайдасы
Адамның бас миындағы тілдің моторлы орталықтары саусақтың моторлы орталықтарына жақын орналасқан. Сондықтан, ұсақ қол моторикасын дамыта отырып, адамның ішкі ағзасына ықпал етеміз. Су - Джок терапиясының авторы Паджев адамның ағзасының белсенді нүктелері қол саусағында орналасатынын дәлелдеген болатын.
Балалардың дыбысты дұрыс айтуын түзету жұмыстарына кіріспес бұрын, оның жеке тұлғалық белгілерін міндетті түрде білу қажет. Кейбір балалардың сөйлеу тілінің бұзылуымен қатар, нервті - психология саласында да психологиялық ауытқушылықтар болатыны да назар аудару қажет. Сол себепті де балалармен күнделікті жұмыста әр баланың жеке қабілетін ескере отырып, жалпы және арнайы моторикасын дамыту үшін ойындар мен тапсырмалар беріп отыру қажет. Ойын жаттығуларын беруде мына принциптерге сүйену қажет:
Ойын жаттығулары балаларға қызықты, тартымды болуы қажет, ересек пен бала арасындағы қарым - қатынас сенімділікке құрылуы қажет. Саусақтарда  ішкі органдармен және ми қыртысының түрлі бөліктерімен өзара байланысқан нүктелер мен аймақтар бар. Сүйектердің қозғалыстарына жауап беретін және саусақтардың қозғалысын басқаратын церебральді қыртыстың аудандары бір-біріне жақын орналасқан. Мидың кортексіне бара жатқанда, саусақтардағы жүйке импульстері көршілес сөйлеу аймақтарын белсенді түрде, белсенді етуге ынталандырады. Сондықтан су-джок терапиясы сөйлеу бұзылуларының алдын алу және түзету үшін мидың кортикальды аймақтарына әсер етеді. Су-джок саусақтардың нашар қозғалысы кезінде де пайдаланады. Бұл процедура қолдың ұсақ моторикасын жақсартады, баланың көңіл-күйін көтереді. Біз массаждық металл сақиналармен толық массаждық шарлар түрінде су-джок  массажерлерді сөйлеуге арналған жаттығулармен бірге қолданамыз. Шармен алақандағы аймақтарды ынталандыруға болады, ал массаж сақиналары саусақтарға  киіледі. Олармен  жетуге қиын жерлерді массаж жасауға болады. Су-джок массаждарын пайдалану моторлы бұлшықет белсенділігінің жоғары деңгейіне көшудің функционалдық базасын құруға және баламен оңтайлы сөйлеуге мүмкіндік береді, балалардың физикалық және психикалық өнімділігін жақсартады.

                                          Отбасы

Бас бармақ,

Балан үйрек,

Ортан терек,

Шылдыр шүмек,

Кішкентай бөбек.

Жаттығу сипаттамасы: балалар әр саусақтарына су-джок пружиналарын кигізіп,тақпақ жолдарын айтып үйренеді,әрі қолдарына массаж терапиясын алады.

                                               Алма

Алма кетті домалап,

Көше бойын жағалап,

Кім алманы табады ,

Сол ойынан шығады.

Жаттығу сипаттамасы: Балалар тақпақ жолдарын айтып, су-джок шарын екі  қол алақандары  арасына салып домалатады,алға ,артқа жүгіртеді,екі қолдарына кезек-кезек салады.

                                                  Добым 

Добым,добым домалақ,

Қайда кеттің домалап,

Үстелдегі ыдысты,

Сындырдыңғой домалап.

Жаттығу сипаттамасы: Балалар тақпақ жолдарын айтып, су-джок шарын үстел үстіне қойып алақандарымен домалатады, қолдарына алып қысады.

Су-джок шар

Шарды мен қолға аламын,

Әр саусаққа апарамын,

Саусақтарға массаж жасап,

Саусақтарды нығайтамын.

Жаттығу сипаттамасы: Балалар тақпақ жолдарын айтып, су-джок шарын әр саусақтарына дөңгелетіп  апарып жаттығу жасайды,саусақ бүлшық еттерін нығайтады.