Есептер

№1 «Арман» балабақшасының 2017-2018 оқу жылына арналған есебі

 Балабақша мектепке дейінгі тәрбие мен оқытудың үлгілік бағдарламасымен  жұмыс жүргізеді.     Бағдарлама  бойынша баланың өмірін қорғауды және денсаулығын нығайтуды қамтамасыз ететін заттық-кеңістіктік дамытушы орта құрылды, мектепке дейінгі білім берудің сабақтастығы мен үздіксіздігі ұстанымдарын қамтамасыз етіліп, балалардың дене, зияткерлік, коммуникативтік, адамгершілік, эстетикалық дамуына бағытталған білім беру салалары кіріктірілді, әр жас тобында бағдарлама материалының мазмұнын игеруде балалардың дамуы мониторингі  ұйымдастырылып, мектепке дейінгі ұйым мен отбасының бірлескен ынтымақтастығы, мектеп жасына дейінгі балаларды тәрбиелеуде ата-аналар қауымдастығының жұмысы жүргізілді.

  Бағдарлама баланың коммуникативтік дағдыларының қалыптасуына, танымдық және әлеуметтік мотивтерінің көрінуіне, қызығушылығы мен білім алуға деген құштарлығының дамуына ықпал етеді. Әр саладағы күтілетін нәтижелер сабақтардағы оқу мақсаттарының жүйесі арқылы беріледі. Бағдарламаның мазмұны балалардың дене және психологиялық дамуының келесі жас кезеңдерін қамтиды:

ІІ кіші топ – 107

Ортаңғы топ – 79

Ересектер тобы – 89

Мектепалды даярлық топ - 45         

  Бала бақша  «Мектеп жасына  дейінгі  балаларды М. Монтессори  жүйесі бойынша  ерте дамыту»  технологиясымен жұмыс істеп келеді.  Оқу қызметі  М. Монтессори кабинетінде жүргізіледі. М.Монтессори кабинетінің жетекшісі тәрбиеші Б.Х.Галимовада Монтисори –педагог куәлігі бар, 3 тәрбиеші  «М.Монтессори педагогикалық ілімін енгізу негізінде мектепке дейінгі білім беру ұйымдары  педагогтерінің кәсіби құзырлығын арттыру» курынан өткен.  М.Монтессори  технологиясын оқу қызметінде қолдануда:

  Бірішіден,  балалар  өз ойларын еркін  жеткізіп, бір-бірімен жақсы қарым - қатынас жасауға, өз  еркімен жұмыс жасауға және қателерін тауып,  өз жұмыстарын бақылауға үйренді.     

 Екіншіден, балалардың ойлау белсенділігі артып,  қызығушылықтары  оянды, тәрбиешілердің   бойында  да ізденуге талпыныс күшейді. Аймақтарда   топтық  жұмыстар  мен  жекелей  жұмыстар нәтежиесінде  балалардың  оқуға деген қызығушылықтары артып, білім  деңгейлері   көтерілді.

"М.Монтессори  технологиясы белсендік   аймақтары   арқылы  балалардың  жан - жақты  дамуын  қамтамасыз  ету. Жеткіншектердің  бірегей  қабілеттерін дамытуға  бағытталған  айрықша  әдістерді   пайдалану арқылы  балаларды  тәрбиелеу  мен   білім  беруді дамыту.

Басты іс-әрекеттер:

1. білім беру,  отбасын, қоғамды  тарту.

2.балаларды  тәрбиелеу мен оқытудағы  қағидаларды қолдану.

3.баланың  табиғи  қабілетін  ашу.

4.баланың  жеке  басының ерекшеліктерін ескере отырып  және жаңа технологиямен  таныстыру.

 Балаларды оқыту  мен  тәрбиелеуде  отбасының  басты  рөлін  мойындай   отырып, бірлесіп жұмыс істеудеміз. Әрбір тәрбиеші ата - аналармен  қарым - қатынас жасаудағы түрлі  тәсілдердің бірі "Монтессори технологиясын"  пайдалана  отырып , ата - ананың  қызығушылығын  арттыру  мақсатында  жұмыс  жасайды.    Біздің бала - бақшада  ата -аналармен  жұмысты ұйымдастырудың  негізгі  мақсаты:

- Ата - ананың  өмірге  деген  көзқарасын өзгерту;

- баланың  бүгінгі жасаған қадамы  ертеңгі  тұлға  қалыптасуына үлкен  әсер  ететінін   көрсету;

- ата - анамен  жұмыс  жасаған  кезде бірізділік  қағидасын  басшылыққа  алу.

         Балабақшаның жұмыс жасайтын негізгі бағыты: «Қазақ энопедагогикасы- тәрбие бастауы». Мектеп жасына дейінгі балалардың  жан- жақты тәрбиелеуде қазақ этнопедагогикасы  материялдарын балалардың жас ерекшеліктеріне сай іріктеп алып, оқу-тәрбие үрдісінде  қолданудың маңызы зор. Бүгінде біз ата-баба дәстүрінен жалғасын тауып келе жатқан асыл мұраны ұтымды пайдалана алатын іскер, білгір де, білікті ұрпақ тәрбиелеуді мектепке дейінгі шақтан қолға алудамыз. 2015-2020 оқу жылдары аралығында «Қазақ этнопедагогикасы- тәрбие бастауы» әдістемелік тақырыбын алып отырмыз.

Зерттеудің негізгі кезеңдері

 Бірінші кезеңде (2015-2016 жж.) тақырып анықталды, зерттеудің мақсаты, нысаны, пәні, міндеттері, әдістері жазылып, тұжырымдалды. Тақырып бойынша теориялық-педагогикалық негіз зерттелді, этнопедагогика   бойынша деректер жинақталды.

Екінші кезеңде (2016-2018жж.) жиналған теориялық және деректі материалдарға жүйелі талдау беріліп, сұрыптаудан өткізілді,  тәжірибелік-этнопедагогика жұмыс мазмұны мен әдістемесі анықталып, балабақшада іс жүзінде жүзеге асырылып әдістемелік нұсқау шығарылады.

Үшінші кезеңде (2018-2020 жж.) жиналған материалдар теориялық тұрғыда қорытындыланады. Патриоттық тәрбиеге байланысты педагогикалық құнды ой-пікірлер сараланып, жүйеге келтіріледі. Тәжірибелік-эксперименттік жұмыс бойынша алынған нәтижелер талданып, қорытындылар жасалады, зерттеу тұжырымдамалары анықталады.  Іріктелген материалдар әдістемелік нұсқау   жұмысы болып жинақталды.

«Қазақ этнопедагогикасы- тәрбие бастауы» бағытында «Этнопедагогика» атты кабинеті ашылып және «Адамгершілік - асыл мұра» тәжірибе тұрғысынан ұйымдастырылған оқу қызметінің вариативтік бөліміне енгізіліп, қосымша ұйымдастырылған оқу қызмет ретінде өткізілді.  «Адамгершілік - асыл мұра» атты көмекші құрал кітапша шығарылды. Бала бақшаның оқу-тәрбие жұмыстарына қазақ этнопедагогикасын қолдану негізінде балалардың тілін дамыту, саналы тәрбие беру көзделген. Көмекші құралда қазақ халқының салты мен дәстүрін мектеп жасына дейінгі балаларға түсінікті етіп жоспарлап, көмекші құрал жинақталған.

           Балабақшаның жұмыс жасайтын негізгі бағыты: «Қазақ энопедагогикасы- тәрбие бастауы». 2017- 2018 оқу жылының №5 педагогикалық кеңесінде осы бағыт бойынша жасалған шығармашылық     есептердің  сараптамасының  нәтижесінде келесі шешім шығарылды.  2018- 2019 оқу жылы мәселенің өзектілігін  шешу жолдарындағы жұмыстар жалғастырылатын болып шешілді.  Жылдық жұмыс жоспарында балабақшада жыл бойына жүргізілетін оқу-тәрбие жұмыстары жылдық міндеттерді басшылыққа ала отырып жоспарланған.

  Жаңа технологиялық әдіс-тәсілдерімен толықтыру мақсатында материалдық базаны нығайту және жаңа технологияларды оқу үрдісіне кіргізу, технологиямен жұмыс жасап жатқан педагогтардың жұмыстарын жалғастырамыз.

  Жаңа технологиялар  2017-2018 оқу жылында  өткізілген іс-шараларда қаралды:

2017-2018 оқу жылы М.Монтессори технологиясы  бойынша жұмыс жақсы деңгейде жүргізіліп, жаңа оқу жылында жалғасады. №4 «Құлыншақ» ортаңғы топ, №15 «Көжек» ересектер тобы.

2017-2018 оқу жылында тәрбиешілермен және арнайы пән мамандармен жылдық жоспарға сүйене отыра үлкен жұмыстар атқардық.

    Нақтырақ айтатын болсам әр мерекеге байланысты ертеңгіліктер мен тақырыптық сабақтар, ойын-сауық кештер, спорттық ойындар өтіп отырды.

 Ойын   балалардың  негізгі іс-әрекеті. Күннің екінші жартысыда топта балалар  әр түрлі ойындар арқылы өзара қарым-қатынастарын нығайтады. Ойынға деген  сүйіспеншілігі молая түседі. Сол себепке байланысты желелі–рөлді ойындар «Ойнайық та,ойлайық» апталығы өтті. 

  2017-2018 оқу жылы барысында мекемеде 1-қыркүйек  Білім күніне арналған «Білімді ел – мәңгілік ел»тақырыбында  тақырыптық сабақтар  ұйымдастырылды.  «Ана тілі-асыл нәрі бабамның» Қазақстан халықтарының тілдері онкүндігіне байланысты мекемеде     іс-шаралар ұйымдастырылды

 Қазан айының алғашқы күндерінде мекемеде мұғалімдер күніне арналған іс-шаралар жүргізілді.   «Ұстаз –деген ұлы есім» қызметкерлерге арналған салтанатты жиналыс ұйымдастырылды. Мекемеде «Дүниежүзілік қарттар күні» бойынша жүргізілген айлық жоспары жүргізілді. «Қарттарым алтын - қазынам»  тақырыбында тақырыптық сабақтар өткізілді. Мектепалды даярлық топтары ата-әжелерді қонаққа шақырып, мерекемен құттықтапғ ән-шашуларымен билерін арнады.

    Күз мерекесіне байланысты мекемеде «Алтын күз» көрмесі ұйымдастырылды, әр топта ертеңгіліктер өткізілді. Ертеңгілікте қонаққа Күз ханшайымы келіп, балалардың көңілін көтерді.

   Мекемеде Жаңа жыл мерекесіне арналған шырша құрылып, іс-шаралар жоспарланып, іске асырылды. Ертеңгілік қарсаңында әр топ өз топтарында ата-аналармен бірлесіп көрме  ұйымдастырды.  Барлық ертеңгіліктерге ата-аналар қатысып, балаларының өнерлерін тамашалады. Қонаққа Аяз ата, Ақшақар , ертегі кейіпкерлері келіп балалардың өнерлерін тамашалап, көңілдерін көтерді.

   8-ші Наурыз мерекесі қарсаңында барлық топтарда аналарды құттықтауға арналған ертеңгіліктер ұйымдастырылды. «Ана өмір шырағы» тақырыптырында аналарды, сүйікті әжелерді құрметтеуге арналған ертеңгіліктер өткізілді. Балалар өз әже, аналарына арнап өнерлерін көрсетті.

  «Ұлыстың ұлы күні Наурыз мерекесі» қарсаңында мекемеде барлық топтарда іс-шаралар ұйымдастырылып, тақырыптық сабақтар мен ойын-сауық кештері өткізілді.

Наурыз мерекесі барысында балаларға ата-бабалардан қалған салт-дәстүрлерді көрсетіп қайта жаңғырту шаралары жүргізілді, балаларды адамгершілікке, достық қарым –қатынасқа, ынтымақтастыққа тәрбиелейтін бұл жұмыстар жақсы дәрежеде өтті.

         Мекемеде сәуір айында Ғарышкерлер күніне арналған төмендегідей іс-шаралар ұйымдастырылды. «Біз кішкентай ғарышкерлер» тақырыбында ата-аналарымен бірлесіп салған балалардың  сурет көрмесі  ұйымдастырылды. Топтарда «Ғажайып ғарыш», «Ғарышкерлер» атты тақырыптық сабақтар  өткізілді.

       Мекемеде “Достық шаңырағында”сурет көрмесі барлық топтарда ұйымдастырылды оған ата-аналар ат салысты. 1 мамыр мерекесі қарсаңында төмендегідей іс-шаралар ұйымдастырылды  2–ші кіші тобында  «Ақпыз,қара, сарымыз ағайынбыз бәріміз», «Достық шаңырағында» әңгіме-сабақ өткізілсе .Ортаңғы тобында «Бірлік бар жерде, тірлік бар» , «Достық пен бірлік мерекесі» атты тақырыптық сабақтар ұйымдастырылды. Ересек топтарында   «Бір шаңырақ астында» , «Досы көпті жау алмайды» атты көңілді жарыс өткізілді. Мектепалды даярлық топтарында «Достық мекені», «Достармен біз біргеміз»тақырыптарында  ойын-сауықтар ән-күй жетекшісінің ұйымдастыру арқылы жүргізілді.

   Мекемеде 9 мамыр Жеңіс мерекесі қарсаңында төмендегідей іс-шаралар өткізілді.  «Жеңіс күнін тойлаймыз!» суреттер көрмесі барлық топтарда ұйымдастырылды.2-ші кіші тобында «Ерлік –ұрпаққа мұра!», «Ешкімге ұмытылмайды,еш нәрсе де ұмыт қалмайды» әңгіме сабақтар өткізілді. Ортаңғы  тобында «Мәңгі жаса, Жеңіс тойы» «Мамыр айындағы Жеңіс күні!»тақырыптық сабақ өткізілсе. Ересек топтармен «Мәңгі жаса, Жеңіс тойы!» тақырыбында, мектепалды даярлық топтар балаларымен «Шынықсаң шымыр боларсың» атты сайыс өткізілді. Мектепалды даярлық топтары«Жеңіс туы желбіресін!» мерекелік саптүзеу  өткізді. Аталған іс-шараларға барлығына дерлік ата-аналар қатыстырылды. Қызметкерлер арасында «Салауатты өмір-көтеріңкі көңіл» атты спорттық сайыс өткізілді.

   Мамыр айының соңғы күндеріндегі  мектепалды даярлық № 15 «Көжек», №14 «Көбелек» топтарының «Балабақшамен қоштасу» ертеңгіліктері ұйымдастырылып өте жақсы дәрежеде өтті.

  Мекемеде 1-ші маусым Балаларды қорғау күніне байланысты  іс-шаралар ұйымдастырылды.

    Жыл бойы  педагогтар  өзін-өзі жетілдіру  жоспарлары бойынша  жұмыс істеді. Әртүрлі әдіс-тәсілдерді қолданды: шығармашылық  есептер, педкеңестердегі  баяндамалар, семинарлар, ашық сабақтар және тақырып бойынша  шағын  кітапшаларын  шығарды.

№1 «Арман» бала бақшасының 2017 – 2018 оқу жылда Республикалық, обылыстық, қалалық сайыстар мен байқауларға қатысқаны жайлы ақпарат

Семинарлар мен әдістемелік бірлестіктер:

Авторлық жұмыс

2017 жылғы 17 қаңтардағы әдістемелік отырыстың шешімі бойынша

17.05.2018

«Рухани жаңғыру» бағдарламасы аясында астананың 20-жылдығына араналған «Білім берудегі педагогикалық инновацияларының жаңа белестері» халықаралық форумы

Өз іс тәжірибесімен 3 педагог бөлісе отырып,жүргізілген жұмыстары бойынша әдістемелік құралдар шығарды. Денешынықтыру нұсқаушысы Мадиева А.Т. өз жұмысын қалалық деңгейде қорғап, қалалық әдістемелік отырыстың шешімімен келісілген КУӘЛІККЕ ие болды.

  Бала бақшада қалалық, облыстық деңгейде семинарлар, ашық сабақтар өткізіліп жоғары деңгейде бағаланды.Бала бақша ішінде әр мерекеге байланысты ертеңгіліктер, тақырыптық сабақтар, ойын-сауық кештер, спорттық сайыстар өткізілді. 7, 9 -  мамыр мерекелеріне  байланысты бала бақшада сап түзеу өтті. Мектепалды даярлық, ересек топтарының балалары өздерінің болашақ ел қорғаушы азаматтары екендігін көрсетті.

  №15 «Көжек», №14 «Көбелек»  топтарының   45 түлегі стандарт бойынша толықтай дайын болып балабақшамен қоштасты.