Ата-аналарға кеңес

Үй жағдайында ойнау керек!

1. «Бұл кім? Бұл не?» (Баланы қоршаған  заттардың атауларын атауын,дене мүшелерін  білу, сұраққа толық жауап бере білу)
2. «Бір сөзбен атау» (Баланы қоршаған  заттарды бір сөзбен  атау. Мысалы:  доп, машина, қуыршақ, пирамида- бұлар бір сөзбен ойыншықтар т. б.)
3. «Не өзгерді?» (3-4 затты баланың алдына қойып, мұқият қарап, есіне сақтауын талап етіңіз. Содан кейін баланың көзін жұмып, бір заттың орынын ауыстырып не өзгергенін  сұраңыз)
4. «Не жоғалды?» (3-4 затты баланың алдына қойып, мұқият қарап, есіне сақтауын талап етіңіз. Содан кейін баланың көзін жұмып, бір затты жасырып не жоғалғанын сұраңыз)
5. «Төртінші артық» (4 затты баланың алдына қойып, мұқият қарап, атап беруін сұраңыз. Мысалы: алма, алмұрт, банан және қияр.Содан кейін бұлар бір сөзбен не ? Яғни жемістер, ал арасында не жеміс емес соны тапшы деңіз. Жауабын былай айту керек. Мында қияр артық, өйткені ол жеміс емес)

Әрдайым:

• Балаңыздың жасаған әр қимылын сөзбен айтқызып отыруды ұмытпаңыздар!
• Балаңызға сұрақты нақты қойып, толық жауап алуды дағдыға айналдырыңыздар!
• Тілдік үлгіні дұрыс көрсетіңіздер, яғни   ана тілді анық, толық пайдаланыңыздар!
• Қоршаған ортаны күнделікті үй жағдайында, серуенге шыққанда сипаттап айтып,тыңдатқызып үйретіңіздер!
• Гаджеттерді пайдалануда белгілі бір шектеулер болсын!
• Бөбекжайда өткен  тақырыптар бойынша берілген тапсырмаларды уақытында орындап, әрдайым қайталап отырыңыздар.
• Балаңызға  өз есімін, тегін, мекен жайын;

-отбасы мүшелерінің толық есімдерін, дене мүшелерін, ойыншықтарының атауларын, үйретіңіз және әрдайым қайталатып отырыңыз.